Bl. 8
Ich Matthes Zcelman Burger zu Mulhausen, Anna meine Eheliche wirtin, Wir bekennen gegen meniglichen mit dißem Brief vor uns unser Erben und Erbnehmen, das wir eines aufrichtigen Kaufs recht und redelich vorkauft haben und verkauffen gegen wertiglich In und mit crafft dißes Briefs den Erentvesten und gestrengen Hern Ern Georgen Rittern, Hern Cristoffeln und Hern Hansen von Ebeleben gebrudern und vettern, Iren Erben und Erbnehmen, Auch wer dißen Brief mit irer oder Iren Erben wissen und guten willen Jarehait Fünff hulden Jerlichs widderkauflichs Zcinses drei Jar lang unnd nit lenger ye XXI schnebergisch vor 1 fl [Gulden] [Einschub: an guter halten fürsten Moeritz zu entrichten] und haben ynen dye gegeben vor Hundert gulden So im lant zu Dhoringen genge und gebe ist Die sie uns davor ganglich und guthem Dancke bezcalt haben, Die wir auch an unsern kuntlichen nutz und fromen gewant haben, und wir vorkauffere gereden und geloben in guthen waren trewen und glauben vor uns unser Erben und Erbnemen, den obgnandten Jerlichen Zcinß gedachten unsern Hern Kauffern und Iren mit beschriebenen, alle Jar Jerlichen, und Jeders Jars besondern in Zceit der dreier Jarenauf sant Mertinstagk aldo zu Ebeleben unvorzcoglich zu entrichten und also auf Martini schierst komende nach dato dis Briefs anzufahen, und so furder Jeders Jars auf den obberurdten termin Diweil und so lange disser Kauf stehet als obgnandte Zcait und Jahre stehet, Sonder alle argelist und geferde, claide und noetrechte, und vor wissen Imen ...
Bl. 91
Volgkmar Zelleman belangenn
Ich Volgmar Zelleman burger tzu mollhaußen Barbara mein oeliche Hausfrawe, vor uns unser erben und erbnemhen, offentlich bekennen das wier eines uffrichtigen Kauffs recht und reddelichen vorkeufft haben und Jegenwertig In und mit crafft disses briffes vorkeuffen dem ersamen Hans Hunolden tzu Berkungen wonhafftig und seinen rechten erben und erbnemen oder treugleubigen Innehabern disses briffes tzehen malter gutter reiner gersten molhausher gewher Jerliches wedderkeufflichen tzinses und habenn Ime den selben tzins gegeben vor Hundert Hartter gangkhafftiger und genemer taler groschen, die ehr uns gutlich und woll tzu danke enthricht und betzaldt, und wier die so vort an unsern scheinbarlichen nutz und frommen gewandt haben, Und wier vorkeuffere Gereden und geloben In gutten warhen treuen und glauben vor uns und ...
Bl. 102
Celiax Zcelman
Ich Celiax Zcelman burger tzu Molhausen Anna mein eheliche Haußfrawe vor uns unser erben und erbnemen bekennen uffentlich und thun kunt das wyr eines uffrichtigen rechten und redelichen Kauffs vorkaufft haben und kegenwirtiglich in und mit crafft disses briffes den Ersamen Jochenn Meisen, Hans Meysen und Hans Hollenbache zcu Bickenride wonhafftig, In rechter Formunschafft Osannen Meysen und ire negsten erben funff und tzwentzig snebergisch jerlichen wyderkeufflichen Zcins vorkeuffen und haben inen den selbigen tzins gegeben vor funff und tzwentzig sneber(gische) schock guter ganghafftiger unverbottener müntze, die sii uns wol tzu dancke gereicht entrichtet und betzalt haben, Sagen der wegen benante Hern Keuffer und ire nachkomen an der formundschafft hir mit solcher funff und tzwentzig sneber(gischen)schock quid ledig und los Die wir dan so fort an unsern scheinbarlichen nutz und fromen gewant haben und wir vorkeuffere gereden und geloben in guten waren trewen und glauben vor uns und alle unser erben und Erbnemen den obgemelten Jerlichen tzins gedachten unsern Keuffern und iren mit beschribenen alle jar ierlichen und eynes jars besondern in tzeit weil disser Kauff stehet Sonder alle argelist, geferde, clede und notrechte uff frietages nach Esto mihi unvortzoglichen und gewißlichen tzu betzalen und vorwissen inen und iren nachkomen an gemelter formundschafft berürten tzins und Heuptgelt an wird von unserm wonhause in der lynsen gassen tzwischen Hans Selman und Bartel Keffernhusen gelegen negst der Stat Molhausen gerechtikeyt und dyssem tzinsse frey eygen und unbeschweret ...
Bl. 185
Celiax Zellemann Bürger zü Mülhaüsen Itzo in der understen linsen gassen wonende, Anna sein Eheliche wirtinne Borgen von den wirdigen Hern der Calenden des Stülß Germar mit Namen Ern Johan Fleischawer, Ern Bernhart Froß und Sebastian Rodtmann Zwelff gulden yh 21 sneberger vor einen gulden an guter ganghafftiger müntze. Geben darauff zwelff snebergisch yh zwelff lauen pfennige vor einen snebergisch jerliches widerkeuffliches zinsses uff Sanct Michels tag. An und von irem Haus und Hoff in der understen linsen gassen beneben Blasio Belstet und Barteln Keffernhausen gelegen Frey eigen und unbeschwert negst gemeiner Stat Mühlhausen gerechtikeit und diessem zinse.
Datum Mitwochens nach Michaelis anno (15)48 [03.10.1548]
Bl. 206
Hans Selmann Bürger zü Mülhaüsen Elizabeth sein eheliche Haußfrawe, Borgen von den Ersamen und weysen Claus Tranßfelt und Paueli Moller als vorsteher des gemeinen Kirchcastens zu Tramsbrück achtzehen sneberschock yh zwaintzigk sneberger vor ein schock an guten ganghafftiger müntze, zwey Jar lang und nit lenger.
Geben darauff achtzehen schneberger yh 12 lawen pfennige vor einen schneberger jerliches widerkeuffliches zinsses uff Sanct Michels tag. An und von zweien ackern arthafftiges landes bey Germar neben Jorgen Melchinger gelegen Item anderthalben acker weinberges vor den Newen pforten Neben Eobano Helmbolden und Bernhart Zelman gelegen Alles frey eigen und unbeschwert negst gemeiner Stat Mülhausen gerechtikeyt und diessem zinsse.
Datum Dornstags am tage Galli Anno (15)50 [16.10.1550]
Bl. 223
Claus Rosencrantz burger zu Mulhausen, Anna sein eheliche wirttinne borgen von den Vormundern Brosius Selmanns seligen nachgelassenen seine Kinder Jocuf, Valtin und Frantz Selman und nachkomen an genanter Vormundtschaft, und seind diese itzige Vormunden Heinrich Schmidt, Frantz Reichart, Valtin Otten, Hans Selmann und Jacuf Rüdiger, oder wehr den brief mit Iren guthen wissen und willen Innen hat, 50 gulden Je 21 schneberger vor ein R. [Gulden] ganghaftiger unverbottener müntze, uf drey Jarlang nacheinander volgend, ...
Datum Mitwochs nach Letare Anno (15)51 [11.03.1551] (ggf. zum vorherigen Vermerk)
als PDF-Datei (14 kB)