Johannes Hesse (ex tribu pistorum) electus est senator anno 1506, consul anno 1539. Et sic vixit senator annos totos 61. Fuit vir pulcher et formosus, insigni pietate et morum comitate cum gravitate praeditus, amans iustitiae et recti, insigni acumine ingenii et iudicii dexteritate. In arte eiaculandi sagittas non solum iuvenis sed etiam senio confectus fuit excellens, ita ut multos annos per conspicuum vitrum eam artem exerceret. Postea cum difficultate auditus laboraret, et somnus deficeret, ad fallendum temporis taedium, mira alearum delectabatur voluptate, et lusu tesserarum; et in omni vita erat amans honestorum sodalicorum et piorum colloquiorum. Vino immodico non utebatur; propter defectum somni producebat convivia in multam noctem, et vino sublimato utebatur quotidie, sed non immodica copia. Omnis honestae disciplinae et virtutis perfecta idea, et absolutissimum exemplum. Nunquam sumpsit cibum, nisi prius habita benedictione, et etiam gratiarum actione, publice dicta. Atti-(S. 345)git aetatis annum fere 95. Et quia erat animo pio et infracto, nec in adversis succumbebat, nec in prosperis efferebatur. Multas expertus est calamitates non secundem publicas, sed etiam privatas. Liberi infantes mortui non sunt, sed adulti in coniugio relictis parvis heredibus discesserunt. Habuit filium Johannem Hessum, iuris utriusque licentiatum, insigni eruditione et virtute praeditum, qui hydropili correptus immatura morte cum maximo multorum honestorum luctu ex hac vita ante annum 30 obiit. Pater vero ipsius et sororum obitus ea omni prudentia, patientia et gravitate tulit, ut etiam in rara illa senecta canitiem vix contraheret. Tandem viribus corporis paulatim deficientibus in vera Christi confessione et agnitione placide vitam finivit, mensis iunii die 8. anno Domini M. D. LXVII.
Ist also ins Todtenbuch geschrieben vom Secretario Magistro Matthaeo Ludern.
Biografie Johannes Hesse (PDF-Datei 21 kB)